50 ரூபாய்க்கு 12 மருத்துவ பரிசோதனைகள்...! சுற்றுலா கண்காட்சியில் கவனிக்க வேண்டிய சுகாதாரத்துறை அரங்கு
சென்னை தீவுத்திடலில் சுற்றுலா கண்காட்சி நடைபெற்று வருகிறது.
இதில் துறை வாரியாக அரங்குகள் அமைத்து துறை சார்ந்த புரிதல்கள் பொதுமக்களுக்கு ஏற்படுத்தும் நோக்கில் அவை வடிவமைக்கப்பட்டு உள்ளன.
அதில், சுகாதாரத்துறை சார்பாக ஏற்படுத்தப்பட்டு உள்ள பிரத்யேக அரங்கில், மருத்துவக் கல்வி, தொழு நோய், காச நோய், புகையிலை தடுப்பு, பாரம்பரிய மருத்துவம் குறித்த விரிவான விளக்கங்கள் எளிமையாக புரியும் வகையில் உள்ளன.
குறிப்பாக, அம்மா முழு உடல் பரிசோதனை மையமும் செயல்பட்டு வருகின்றது.
அதில் வெறும் 50 ரூபாய்க்கு 12 வகையான மருத்துவ பரிசோதனைகள் மேற்கொள்ளப்பட்டு வருகின்றது.
உடல் வெப்ப நிலை, இரத்த அழுத்தம், இதய துடிப்பு, உடல் பருமன், இரத்தத்தில் உள்ள ஆக்சிஜன் அளவு, எடை, உயரம், உடல் பருமன் குறியீடு, ரத்த அணுக்கள் எண்ணிக்கை, சர்க்கரை அளவு, பார்வை திறன் உள்ளிட்ட பரிசோதனைகள் சில நிமிடங்களில் மேற்கொள்ள படுகின்றது.
மேலும், உடனடியாக முடிவுகள் தெரிவிக்கப்பட்டு, அதற்கு உரிய மருத்துவ ஆலோசனைகளும் வழங்கப்படுகின்றன.
சுற்றுலா கண்காட்சிக்கு செல்வோர் மறக்காமல் சுகாதாரத்துறை அரங்கிற்கு சென்று குறைந்த செலவில் இந்த பரிசோதனைகளை செய்து பயன்பெற மறக்க வேண்டாம்
